Erërat e forta e ndërpresin përkohësisht punën në QKRC dhe QRA në komunën e Istogut

11:29 | 6 Shkurt 2020
Arbresh.info

Për shkak të erërave të fuqishme që ka pasur ditën e djeshme në komunën e Istogut, është dëmtuar objekti i Qendrës Komunale për Regjistrim Civil dhe Qendrës për Regjistrim të Automjeteve.

Këtë e ka bërë të ditur Ministria e Punëve të Brendshme dhe Administratës Publike, respektivisht Agjencia për Regjistrim Civil.

Prandaj, QKRC dhe QRA në këtë komunë, përkohësisht nuk do të mund të ofrojë shërbimet për qytetarët si: letërnjoftim, pasaportë, patentë shoferë, dhe nuk do të mund të regjistrojnë automjetet e tyre në këtë komunë.

Deri në riparimin e dëmeve ftojmë të gjithë qytetarët e komunës së Istogut që për kryerjen e këtyre shërbimeve të drejtohen në qendrat më të afërta të kësaj komune, përjashtimisht ata të cilët kanë nevojë për regjistrimin e automjeteve të cilët duhet të presin deri në ri-funksionalizimin e kësaj Qendre./arbresh.info/